Texte „Äntlich isch Wiehnacht“
lauft en alte Ma
hät en lange Stäcke
und en rote Mantel a
Nur es Stückli hinedra
isch es ächt no wit
lauft sin graue Fründ, de Esel
de chunnt immer mit
Samichlaus, wo bisch?
Ich warte scho de ganzi Tag uf dich
Samichlaus, wo blibsch?
Häsch du mich vergässe, nei, das cha nöd si
Manderinli, 15 Stuck
stecked i sim Sack
de isch zimli volle
de hät er am Morge packt
Schoggi, Öpfel und e Nuss
bringt de Chlaus öis mit
und e Cherze für d Laterne
jetzt isch aber Zit
Samichlaus, wo bisch?
Ich warte scho de ganzi Tag uf dich
Samichlaus, wo blibsch?
Häsch du mich vergässe, nei, das cha nöd si
Was häts ächt i dem Päckli
worum stoht das plötzlich do
under öisem Chrischtbaum
und wer häts det ane to
Isch s öppis wo mer gwünscht ha
und was häts do alles dra
s nimmt mich eifach wunder
und ich lueg das Päckli a
Es isch rot, es isch gäl
s hät en Stern uf em Papier
gnau e so es Päckli
wünsch ich mir
es isch rot, es isch gäl
s hät en Bändel ums Papier
villicht ghörts de Schwöschter
aber villicht ghörts au mir
Was häts ächt i dem Päckli
worum stoht das plötzlich do
under öisem Chrischtbaum
und wer häts det ane to
S isch eggig wien en Schlitte
und so gheimnisvoll dezue
öppis für de Hamschter
oder sind das neui Schueh
Es isch rot, es isch gäl
s hät en Stern uf em Papier
gnau e so es Päckli
wünsch ich mir
es isch rot, es isch gäl
s hät en Bändel ums Papier
villicht ghörts de Schwöschter
aber villicht ghörts au mir
S isch so wit, ich bi scho uf
ich wecke niemert uf
ich fröge mich, wie lang s no goht
eigentlich wär ich parat
Schnäll in Garte, rund ums Huus
ich rume i und us
ich fröge mich, wie lang s no goht
eigentlich wär ich parat
Warte, warte
s goht no es paar Stund
warte, warte
ich freu mi so
dass d Wiehnacht chunnt
S isch so wit, ich bi scho wach
ich han e Zeichnig gmacht
ich fröge mich, wie lang s no goht
eigentlich wär ich parat
Schnäll es Guetsli oder zwei
ich isse all ellei
ich fröge mich, wie lang s no goht
eigentlich wär ich parat
Warte, warte
s goht no es paar Stund
warte, warte
ich freu mi so
dass d Wiehnacht chunnt
S isch alles parat für de Winterschlof
nu de Bär isch nunig müed
er lueget zue, wie s dunkel wird
und gfrürt
S isch alles parat für de Winterschlof
und im Wald isch s wider still
es zeigt sich niemert, s blost en
chüele Wind
1000 Liechter glitzered
sie lüchted i sim Gsicht
und de Bär stoht do und stunet
will s Wiehnacht isch
S isch alles parat für de Winterschlof
nu de Bär, de isch no wach
er macht sich uf de langi Wäg
dur d Nacht
S isch alles parat für de Winterschlof
nume d Höhli, die isch leer
de Bär isch furt, wohi, das isch
nöd schwer
1000 Liechter glitzered
sie lüchted i sim Gsicht
und de Bär stoht do und stunet
will s Wiehnacht isch
S isch alles parat für de Winterschlof
und de Bär hät so vill gseh
und langsam lauft er, lauft er dur
de Schnee
1000 Liechter glitzered
sie lüchted i sim Gsicht
und de Bär stoht do und stunet
will s Wiehnacht isch
zurück zum Seitenanfang
Äntlich isch Wiehnacht
ich dänke a dich
äntlich isch Wiehnacht
für dich und für mich
Am Baum bränned d Cherze
so still vor sich hi
sie schined i d Herze
vo Gross und vo Chli
Es isch Wiehnacht
Äntlich isch Wiehnacht
ich dänke a dich
äntlich isch Wiehnacht
für dich und für mich
Verusse isch s dunkel
verusse isch s chalt
doch warm i de Herze
vo Jung und vo Alt
Es isch Wiehnacht
Äntlich isch Wiehnacht
ich dänke a dich
äntlich isch Wiehnacht
für dich und für mich
Am Baum hanged Chugle
sie glänzed so fin
sie lüchted i d Herze
vo Gross und vo Chli
Es isch Wiehnacht
es isch Wiehnacht
es isch Wiehnacht
äntlich Wiehnacht
Wiehnacht
schöni Wiehnacht